Phalaenopsis minus

這花細細朵幾可愛，靚唔靚就見仁見智。由於是續花性所以可以有排開。

鉤狀石斛 Dendrobium aduncum

這品種有朱古力味的花香，好搞野。

Paphiopedilum volonteanum

從 hookerae 入面勾了出來成獨立品種，大家的葉子很似樣，花梗一樣咁長，唯朵花幾唔同樣，自己覺得 volonteanum 朵花較靚但亦較細朵。

流星毬蘭 Hoya multiflora

這株球蘭又開花了，仍然不太明白為何每次開花都掉很多花苞，不知是否每次淋水隔得太耐植料太乾，要試吓濕返少少。

Paphiopedilum hookerae

這品種的拖鞋葉子在斑葉類中真的算靚，無花都可以賞吓葉子。它不算是特別受歡迎品種，花一般的大而花梗相對地比較長約有40cm。這株花本身放在架下面，而花梗長得比較慢所以都沒有理佢，突然間發現時已頂到架頂所以花梗彎了，好在沒有消苞。

萬春園

每年都會來這裡買花的，今年亦不例外，和王太閒話了數句，似乎近來生意還算唔錯。  
這裡的花相當多，賣極都買唔晒咁，今年的花好像比往年還要多，無它，有很多出瓶後現可正式放在蘭場裡，當然亦有更多花長大了。比較可惜的是部份品種有標名字的那盆給人買了，剩下的幾盆都只得編號，吓吓要問王太才知正確名稱，問得兩問自然就唔想問。  
現時的嘉多利主要以雜交的最多，其次就是大量的intermedia出瓶，去年見到相當多的出瓶walkeriana似乎清晒了。有兩株給人訂了成萬蚊的violacea semi alba estriata可惜無花睇唔係都影吓相。  
蘭園現在有大量的一代雜交拖鞋，可惜對雜交品種沒大興趣，唔係都實有收穫，原種主要咪又係香港拖同龜。

Paphiopedilum javanicum var. virens

好蠟質的花，特別是中間的盾，有點似塑膠的感覺。今次拍照時搞搞新意思，特登整個圓環在後面加強效果。

鑽喙蘭 Rhynchostylis retusa

這種花真的很好種，每年都會來花，像我這樣反轉來種亦沒有問題。

Paphiopedilum philippinense

這株不是早排花店見到頗多出售的那批菲律賓，不過其實花亦是差不多樣，只是側瓣算是長點吧，當然植株也相對地大點。

喉红石斛 Dendrobium christyanum

這品花好靚又有香味，但始終都搞佢唔掂，如果今次都唔得睇來都唔好再買。

Cleisostoma sp

雖然買了這株花，但買時其實只是想買偶然掉在蛇木板上生長的石斛，不過老闆唔想拆所以要買埋，都唔知是什麼品種，樣子有點像是隔距蘭，花很小約闊8mm左右。  
還有另一種，花大一點約1cm。

柯寧蝴蝶蘭 Phalaenopsis corningiana

蘭花有很多香味都好特別，這種就有香檳味。除花香味你又可以講出幾多種甚它的香味，又或邊個品種有提子味、橙味、椰子味、杏脯味、煙肉味、溫尼拿味、朱古力味等等。

長生蘭富貴蘭

花墟有花店入了一批產自日本的長生蘭及富貴蘭，價錢都對當親民只比大陸出的貴一些，而且都相當大叢。好可惜喜歡的覆輪富貴蘭買唔到，幾十盆一返來就馬上給人買晒或留起，結果只買了較大路的東出都。  
而長生蘭價格就更親民且有頗多選擇，近廿個品種一時間決定唔到買邊隻，話晒對品種名唔多熟。最後還是唔理名稱眼睇葉靚就算，選了金山金剛及極黃流兩款。兩舊水一盆眼睇每盆都是三株一起拼成的(這樣拼在長生蘭來講是很平常的)，算唔算平?，長生蘭種起來有一定難度唔一定過度到夏天，而且部份品種種種吓幾易轉藝。  
以自己的橫綱來作個例子，老苗葉近全深綠色，而左右兩新苗的葉卻佈滿線藝，或者這就是種長生蘭好玩的地方。

晶帽石斛 Dendrobium crystallinum

其實這種石斛都幾靚，而且花壽亦頗長﹐不過就唔係好多人喜歡種的花。

金魚石斛/重唇石斛 Dendrobium hercoglossum var. semi alba

得一朵花，之前無影相，到得拿起相機的時候朵花都幾殘吓。

Phalaenopsis bellina var. alba

親吓熱鬧，都買返棵白花種吓。

最近開的花

由於近期較忙很少淋花，天氣熱搞到d花死死吓，頗多花都開得唔多耐，且有些花開完都沒有影相，又或者到影相時都殘殘地。下面是早排開的花。

Cattleya nobilior

Cattleya maxima var. coerulea  
Phragmipedium besseae  
Dendrobium transparens  
Psychopsiella limminghei  
Chysis limminghei  
Phalaenopsis speciosa