腫節石斛 Dendrobium pendulum

這種石斛很難種這株亦只是幾個月前買，看看改改種植方法能否好點。

蜘蛛石斛, 四角石斛 Dendrobium tetragonum var alba

蜘蛛石斛在香港是很易種的，又是那話，夠光就得，夠光佢自然就會係咁生，夠光花期就自然會開花。唯一問題就是苗苗都亂咁飛，唔用鐵支固定會生到亂七八糟。

大根槽舌蘭 Holcoglossum amesianum

只開得一朵花，好過無啦，起碼有得睇吓花。

香球蘭 Neobenthamia gracilis

來自威哥的高芽株，花仔細細都幾得意。

Dockrillia rigida

這株應是家中其中一株最粗生的蘭花，夠光基本上唔理佢佢都年年開花，話咁快就生到一大叢。花可以開一兩個月，係就係每年都開好多花，但始終唔可以好似出面賣的那樣很多花一齊開，每年都是分幾個月不停地來花。

Angraecum distichum

這株其實就是之前在萬春買但不肯定品種的那株，開了兩次怪花後之後再開的幾次見花都和 distichum 一樣所以相信應是這品種吧。還記得當日買完後很多苗都焦頂，近一整年都沒有生長，之後適應了環境後出了很多高芽亦高速生長，每隔幾個月就來一次花可惜每次只有一朵，過去一年開了4次花似沒有固定花期。

風信子 Hyacinth Hybrid

去年在繽繽買的袋裝風信子和花鳥展的水仙都剛好在年初一開始開，風信子到這個時候剛好開到頂，兩種花的香氣加在一起真係香到不得了。

細莖石斛 Dendrobium moniliforme

又是細莖石斛，這株長得較高，沒椰奶味返而是正常淡淡的花香。

土豆石斛 Dendrobium peguanum

這種土豆石斛真的幾好種，植株細細又好開花，亦唔似很多石斛要暴晒，細花中花壽算長有成一兩個月。

大苞鞘石斛 Dendrobium wardianum

去年買的大苞鞘，植株很大花亦很大，希望這次能種得到。