金氏蝴蝶蘭 Phalaenopsis deliciosa

這是另一株好多年沒有來花的金氏蝴蝶蘭，其實金氏蝴蝶蘭好易種唔難開花，希望佢開過之後可以每年都再開。這株花的條紋比較偏向粉紅色一點，留意花瓣上沒有斑點。

Paphiopedilum × herrmannii

由於是天然雜交種，所以朵花就是一半 helenae 加一半 hirsutissimum。

Phragmipedium longifolium

這是新買的，植株比一般細些少。之前種過幾次中小苗都唔成功，希望這次種成株能夠易一點。

流星毬蘭 Hoya multiflora

近期無乜花睇睇下株毬蘭吧，雖然都甩了幾個花苞但這次終於是開得比較似樣的一次。

金氏蝴蝶蘭 Phalaenopsis deliciosa

這株的花真係幾紅，近年比較少見原色的金氏蝴蝶蘭，可能太唔值錢無人做瓶苗，反而變種更常見。

Catasetum fimbriatum

這花其實剛剛謝了，只是近期很懶無出文。自己覺得這花最吸引的地方是它的香氣，有點像薑花的味道，坐在旁邊一陳陳的香氣漂過來真係精神一振。

蟲蛋

近來的天氣唔好好多盆花都中菌，但真係禍不單行唔知邊種蟲近來好鐘意起花盆底同植料入面產卵，一產就幾千甚至上萬粒，如果孵晒出來都唔知點算。今次是第三盆了，死死氣天氣咁熱都要換植料，最初中招的稜葉風蘭本來生得好地地，結果還是枯了一大側苗。

由於都幾驚嚇所以只出link，真係看睇才自己入去看。
http://s1192.photobucket.com/user/pkidone/media/Others/InsertEgg-A01.jpg.html

http://s1192.photobucket.com/user/pkidone/media/Others/InsertEgg-A02.jpg.html

富貴蘭 - 紀州雪虎 Neofinetia falcata

其實花都係咁上下樣，但賞吓富貴蘭的葉都覺得自己富貴點無咁窮。

富貴蘭 - 御城覆輪 Neofinetia falcata

富貴蘭中自己較喜歡的覆輪葉。

Microsaccus griffithii

早前在英姐處買的，花很小，都唔知好唔好種，反正平平地便買來玩吓。

Phalaenopsis speciosa

天氣熱這次開得頗差，花瓣上那些不是蟲，而是濕了水真係有點爛。

Doritaenopsis Purple Martin

這株花今年遲了點來花，可能是由於來了兩支花分了養份生長得慢了。另外其中一枝花梗長得比較慢等得開花時第一支花的第一朵花都有點殘殘地。去年很厲害，花一路續結果開了七個月，本來諗往今年佢會繼續續點知佢出新花菖舊花梗馬上便黃了。

Dendrobium lamyaiae

雖然今年仍有花睇，但種得一點也不好，來了幾次側芽最後都消了，出年唔好話睇花，一個唔覺意除時死鬼埋。

Aspasia lunata

這株花是歐陽送的，非常感謝。一大盆上面有一朵開了的花，右瓣同唇瓣相信是在運輸途中損壞缺了一大半所以花形看上去有點怪怪的，不過另外一苗還有一個剛長出的花苞未開，希望換植料後不會消苞。  
同屬自己有另一品種Aspasia silvana，花已謝了近一個月不過自己種得不太好，主要問題是開花後要制水，天氣這麼熱植株乾到死好多時都唔知淋唔淋水好。

Paphiopedilum Honey

很少買雜交的拖鞋蘭，不過當日見平平地就又買了它回家，名字估計是 Paphiopedilum Honey，當日帶花苞買未開花，回家後換盆換植料，到花開後旁邊的側芽都大了一兩個碼，相信是相當粗生的雜交品種。

富貴蘭 - 東出都 Neofinetia falcata

較為大路的一品。本來想等埋所有花開了後才影相，點知開得比較慢到全部花開了最初開的兩三朵花己有點想謝。

香港交野 - 七月

在七月份在香港行山真係好辛苦，一來非常之熱，咁啱大部份路莖都無乜風更加慘，二來近日經常落兩，蚊多到不得了，想在較陰涼的地方休息一下，唔駛三秒便一大群蚊殺到，搽了蚊怕水都只係叫做好過無。天氣熱花唔算好多，可喜能見到部份較遲開的百合。

Dichaea anchoraelabia

這花早前買的，有留意的都知是在那裡買同價錢幾痴線，不過話晒人地飛過去台灣買過來機票都唔平，而且眼見真係死幾多。無論如何，這花雖然細，花仔都幾靚。

富貴蘭 - 都羽二重 Neofinetia falcata

這株老苗葉藝不算好，不過側苗的藝就相當唔錯。風蘭的花幾香的。

Ornithocephalus sp

這株花新買的，唔知好唔好種。這個屬的花頗多都幾奇特，只是好多都幾細朵，像這株花花莖只有約8mm左右，要用相機拍照後才大至可以看清朵花是什麼樣子。

Cattleya velutina

這株是威哥貨，來自 Bela Vista 相信是瓶苗實生株，點解?因為見到是由極小苗一直長大至開花苗。剪了前路3苗剩返給威哥的最大只有中苗，唔知佢有沒第二盆否則想買就要等多一兩年，不過佢地入花好少只入一盆。很喜歡這一株唇瓣紅色紋路非常清晰及非常深色，這花有香味，目前價錢仍有點貴，聽說不太好種希望唔好種死，因為真的很喜歡這個體。