花場 - 軒苑農場及萬春園

假期間去了本港其中兩個對外開放的主要蘭場，分別是軒苑農場及萬春園。

去軒苑可以不用預約，但留意逢星期一休息，當然先打電話問清楚更好。在粉嶺火車站坐住坪輋的小巴總站落車便可以，車程廿分鐘至半個鐘左右。 落車後便會見到軒苑的路牌，直入行二三分鐘到這個垃圾站不要過橋，左轉便可。  
直行約十分鐘見到這路口住左邊。  
再行一兩分鐘便到軒苑農場。  
軒苑過年後暫時花不算太多，主要以雜交品種較多。  
出租的溫室以前有幾間房有蘭花賣，但現時沒有再對外開放，拖鞋全移住大溫室，其餘的品種就沒有移出來所以看不到。拖鞋絶大部份都是雜交且沒有品種名稱。  
不要忘了後面還有一個小溫室，入面嘉仔比較多，不過暫時品種多不算太特別，特別的或會標示是非賣品要問清楚賣唔賣。  
暫時開花株主要是石斛，有興趣的不防去看看。 而萬春園之前已講過點去現在不重覆，萬春園歡迎各界人仕參觀但注意一定要先打電話去預約，即日預約都沒問題。  
萬春園目前幾多開花株，賣的雜屬頗多，尋寶還得花時間，不過由於重新開放已一段時期，頗多特別品種已賣清。目前提供的折扣低了，但價格亦開得沒之前高，總體一般品種價錢比花墟差不了多少。當然亦有高價貨，睇中株紅旗拖鞋，沒有花而只能說葉頗硬身特別，對種拖鞋多的人來說見到株植株好像會發光咁(還是自己兩眼發光)，王太話是之前高價購入的育種株，千六蚊，噢還是放起佢道等第時有錢先買吧。  
未到過萬春園的人或亦聽過它的神話，若沒去過也沒理由不去朝朝聖。

花寶門市結業

又一間在花墟的花店因為加租要結業，這個通告已經張貼了好一段時間，但相信仍有不少人不知道。聽聞主因業主要加租一倍唔知真定假，似乎舖租瘋狂加租的情況已經漫延至花墟，不知是自由行的影響還是重建局活花舊樓的問題。門市結業，亦即係暫時在花墟再買唔到發叔的紫蘿蘭同花泥，亦唔可以用較平的價格買它代理的紐西蘭水苔或花泥肥料，太可惜了，真希望下次再有活化項商舖出租時佢會入紙申請。  
講開花寶，原來好多花店老闆對佢地做生意的手法都頗有微言，又係拿貨制度僵化好似唔多願意做佢地小生意情願做大財團，在花展的零售價重平過俾佢地個批發價等，真係估佢唔到。

蟲蛋

近來的天氣唔好好多盆花都中菌，但真係禍不單行唔知邊種蟲近來好鐘意起花盆底同植料入面產卵，一產就幾千甚至上萬粒，如果孵晒出來都唔知點算。今次是第三盆了，死死氣天氣咁熱都要換植料，最初中招的稜葉風蘭本來生得好地地，結果還是枯了一大側苗。

由於都幾驚嚇所以只出link，真係看睇才自己入去看。
http://s1192.photobucket.com/user/pkidone/media/Others/InsertEgg-A01.jpg.html

http://s1192.photobucket.com/user/pkidone/media/Others/InsertEgg-A02.jpg.html

萬春園

每年都會來這裡買花的，今年亦不例外，和王太閒話了數句，似乎近來生意還算唔錯。  
這裡的花相當多，賣極都買唔晒咁，今年的花好像比往年還要多，無它，有很多出瓶後現可正式放在蘭場裡，當然亦有更多花長大了。比較可惜的是部份品種有標名字的那盆給人買了，剩下的幾盆都只得編號，吓吓要問王太才知正確名稱，問得兩問自然就唔想問。  
現時的嘉多利主要以雜交的最多，其次就是大量的intermedia出瓶，去年見到相當多的出瓶walkeriana似乎清晒了。有兩株給人訂了成萬蚊的violacea semi alba estriata可惜無花睇唔係都影吓相。  
蘭園現在有大量的一代雜交拖鞋，可惜對雜交品種沒大興趣，唔係都實有收穫，原種主要咪又係香港拖同龜。

公園的蘭花

在幾個不同公園見到的蘭花，在樹上的一般都種得比較高，唔留意行過隨時唔知。若你知道在那裡記得唔駛話俾人知，因為曾見過成株給人扯了出來的。

花墟12月

出年的農曆新年來得早，聖誕的東西才開始賣就要準備讓位賣年貨，繽繽的白色大紅花已開始減價促銷，球根植物又再多放了一些出來減價，無它，原位已經放了水仙頭。減價貨要揀一揀，部份有一兩個爛頭。選了最愛之一的Abba，希望能種到底部是黃色的鬱金香而非相片中的全紅花。Inzell 更底買，20蚊有15個，可能中國人過年不喜歡白花吧，其實雪得來再種隨時過晒年了。 較特別還是花寶所有貨品77折，很吸引呢，店舖入面還入了大量紫羅蘭，本都想入返株十字花，可惜十字花選擇很少，隨了301外今次的十字花品質較差，有些有走藝風險。返而普通的非十字質數很好。

流星毬蘭 Hoya multiflora

經常開花但很多時都開得唔好的流星毬蘭，經常都是臨開花前甩晒大部份花苞，可能係時候要換個大點的盆了。

花墟清場

花墟清場己數天，但這天(16號)就特別緊張，因為有特別的執法行動。之前食環署都只是票控，店舖一般都拖拖拉拉等佢地唔發告票，萬一真的收到(6月時似乎才是第一次)都將告票打入成本懶得理，不過今次很特別，店舖唔搬走同你掉晒佢，結果店主很火滾，話駛唔駛咁絕好想打人，執法人員就超好相語。經過時垃圾車仍是空的，清潔工在清走的東西亦都真係幾垃圾的。成個花墟每個街口也有幾個警察站崗，一有人拿什麼東西出馬路馬上要佢拿走。  
其實今次亦都只要求店舖清理了馬路一邊的阻礙物，店舖一邊的還未執法，之前緊夠二個人擦身而過的重黑點已好行好多了。講到尾都是舖租太貴，正苦偏幫地慘商害人。

水苔減價

花X的紐西蘭水苔減價已有幾日，由於是會員還有九折，感覺真的好底，而且質量唔錯，諗吓諗吓都係買多包大的。